REX NEEDS MUSICIAN創辦人Joe Sat由細細個就接觸結他，擅長唔同風格類型嘅演奏，無論係古典結他、民謠結他以致電結他都到達專業水平。佢於2010年香港專業教育學院畢業，專攻數碼音樂及聲效科藝。

 

Joe持有唔同音樂專業資格，其中包括英國皇家音樂學院古典結他演奏文憑、英國皇家音樂學院八級樂理及英國聖三一音樂學院Rockschool八級電結他等。

 

除咗專業資格外，佢仲喺各大音樂比賽中屢獲殊榮，實力備受肯定。其中包括2014年由通利琴行舉辦嘅原音樂隊比賽中勇奪季軍，更獲得最佳個人演繹獎。同年喺澳門朝陽學會舉辦嘅Classic Rock Band比賽中奪得銅獎，也是網上最受歡迎獎的得獎者。

 

目前Joe致力專注教學、表演及創作。佢嘅教學年資超過十年，於各大琴行、學校、學院、社區中心中教授。演出經驗亦十分豐富，不論大型商場、婚禮或酒吧都可以見到佢演出。為咗想更進一步推廣結他藝術，佢喺2017年同朋友創立咗REX NEEDS MUSICIAN，志在培養新一代以及幫助音樂愛好者發掘潛質。佢盼望可以將呢份熱忱喺音樂路上有所發展。